44. А  у него же погибло,  то оже будеть лице,  лице
поиметь, а за лето возметь по полугривне.              
   45. Паки ли лиця не будеть, а будеть был княжь конь,
то платити за нь 3 гривны,  а за инех по 2 гривны. А СЕ
УРОЦИ СКОТУ. Аже за кобылу 7 (60) кун, а за вол гривна,
а за корову 40 кун,  а за третьяку 30 кун,  за лоныцину
полгривны, за теля 5 кун, а за свинью 5 кун, а за поро-
ся ногата,  за овцю 5 кун,  за боран ногата, а за жере-
бець, аже не вседано на нь, гривна кун, за жеребя 6 но-
гат,  а за коровие молоко 6 ногат; то ти уроци смердом,
оже платить князю продажю.                             
   46. АЖЕ БУДУТЬ ХОЛОПИ ТАТЬЕ,  СУД КНЯЖЬ.  Аже будуть
холопи татие любо княжи,  любо боярьстии, любо чернечь,
их же князь продажею не казнить, зане суть не свободни,
то двоиче платить ко истьцю за обиду.                  
   47. ОЖЕ  КТО  СКОТА ВЗИЩЕТЬ.  Аже кто взищеть кун на
друзе,  а он ся начнеть запирати, то оже на нь выведеть
послуси, то та поидуть на роту, а он возметь свое куны;
зане же не дал ему кун за много лет,  то платити ему за
обиду 3 гривны.                                        
   48. Аже  кто  купець  купцю дасть в куплю куны или в
гостьбу,  то купцю пред послухи кун не  имати,  послуси
ему не надобе,  но ити ему самому роте,  аже ся почнеть
запирати.                                              
49. О  ПОКЛАЖАИ.  Аже кто поклажаи кладеть у кого любо,
то ту послуха нетуть;  но оже начнеть большим  клепати,
тому и т и роте,  у кого то лежал товар:  а толко еси у
мене положил,  зане же ему в бологодел и хоронил  товар
того.                                                  
   50. О РЕЗЕ.  Аже кто даеть куны в рез,  или настав в
мед,  или жито во просоп,  то послухи ему ставити, како
ся будеть рядил, тако же ему имати.                    
   51. О МЕСЯЧНЕМЬ РЕЗЕ.  А месячный рез,  оже за мало,
то имати ему;  заидуть ли ся куны до того же  года,  то
дадять ему куны в треть, а месячный рез погренути.     
   52. Послухов ли не будеть, а будеть кун 3 гривны, то
ити ему про свое куны роте; будеть ли боле кун, то речи
ему тако: промиловался еси, оже еси не ставил послухов.
   53. УСТАВ ВОЛОДИМЕРЬ ВСЕВОЛОДИЧА. Володимер Всеволо-
дичь по Святополце созва дружину свою  на  Берестовемь:
Ратибора  киевьского тысячьского,  Прокопью бел-городь-
ского тысячьского,  Станислава переяславьского  тысячь-
ского, Нажира, Мирослава, Иванка Чюдиновича Олгова мужа
и уставили до третьяго реза,  оже емлеть в треть  куны;
аже кто возметь два реза, то то ему взята исто; паки ли
возметь три резы, то иста ему не взяти.                
   Аже кто емлеть по 10 кун от лета на гривну,  то того
не отметати.                                           
   54. АЖЕ  КОТОРЫЙ КУПЕЦЬ ИСТОПИТЬСЯ.  Аже который ку-
пець,  кде любо шед с чюжими кунами,  истопиться,  любо
рать возметь,  ли огнь,  то не насилити ему, ни продати
его;  но како яачнеть от лета платити, тако же платить,
зане же пагуба от бога есть,  а не виноват есть; аже ли
пропиеться или пробиеться,  а в безумьи чюжь товар  ис-
портить,  то тако любо тем, чии то товар, ждуть ли ему,
а своя им воля, продадять ли, а своя им воля.          
   55. О ДОЛЗЕ.  Аже кто многим должен будеть, а пришед
(гость) из иного города или чюжеземець,  а не ведая за-
пустить за нь товар,  а опять начнеть не  дати  гост(ю)
кун, а первии должебити начнуть ему запинати, не дадуче
ему кун,  то вести и на торг,  продати же и  отдати  же
первое гостины куны,  а домашним,  что ся останеть кун,
тем же ся поделять; паки ли будуть княжи куны, то княжи
куны  первое  взяти,  а прок в дел;  аже кто много реза
имал, не имати тому.                                   
      56. АЖЕ ЗАКУП БЕЖИТЬ.  Аже закуп бежить от госпо-
ды,  то обель;  идеть ли искат(и) кун, а явлено ходить,
или ко князю,  или к судиям бежить  обиды  деля  своего
господина, то про то не работять его, но дати ему прав-
ду.                                                    
57. О ЗАКУПЕ ЖЕ.  Аже у господина ролеиныи закуп, а по-
губить воискии конь,  то не платити ему; но еже дал ему
господин плуг и борону,  от него же купу емлеть,  то то
погубивше платити;  аже ли господин его отслеть на свое
орудье, а погибнеть без него, то того ему не платити.  
   58. О  ЗАКУПЕ ЖЕ.  Аже из хлева выведуть,  то закупу
того не платити; но (о) же погубить на поли и в двор не
вже-неть и не затворить,  кде ему господин велить,  или
орудья своя дея, а того погубить, то то ему платити.   
   59. Аже господин переобидить закупа,  а увидить купу
его  или  отарицю,  то то ему все воротити,  а за обиду
платити ему 60 кун.                                    
   60. Паки ли прииметь на немь кун, то опять ему воро-
тити куны,  что будеть принял, а за обиду платити ему 3
гривны продажи.                                        
   61. Продасть ли господин закупа  обель,  то  наймиту
свобода во всех кунах,  а господину за обиду платити 12
гривен продаже. ,.                                     
     62. Аже господин бьет закупа про дело, то без вины
есть;                                                  
   биеть ли  не  смысля пьян,  а без вины,  то яко же в
свободном платежь, тако же и в закупе.                 
   63. О ХОЛОПЕ.  Аже холоп обелныи выведеть  конь  чии
любо, то платити за нь 2 гривны.                       
   64. О ЗАКУПЕ.  Аже закуп выведеть что, то господин в
немь;  но оже кде и налезуть, то преди заплатить госпо-
дин  его  конь  или что будеть ино взял,  (а) ему холоп
обелныи;  и паки ли господин не хотети начнеть  платити
за нь,  а продаст и; отдасть же переди или за конь, или
за вол,  или за товар,  что будеть чюжего взял,  а прок
ему самому взяти себе.                                 
   65. А СЕ АЖЕ ХОЛОП УДАРИТЬ. А се аже ударить свобод-
на мужа,  а убежить в хором, а господин его не выдасть,
то платити за нь господину 12 гривен; а затем аче и кде
налезеть удареныи тъ своего истьця,  кто его ударил, то
Ярослав был уставил убита и,  но сынове его по отци уе-
тавиша на куны,  любо бита розвязавше,  любо  ли  взята
гривна кун за сором.                                   
   66. О ПОСЛУШЬСТВЕ.  А послушьства на холопа ие скла-
дають;  но оже не будеть свободнаго, но по нужи сложити
на боярвска тивуна,  а на инех не складывати;  а в мале
тяже по нужи възложити на закупа.                      
   67. О БОРОДЕ.  А кто порветь бороду, а въньметь зна-
мение,  а вылезуть людие, то 12 гривен продаже, аже без
людии, а в поклепе, то нету продаже.                   
   68. О ЗУБЕ. Аже выбьють зуб, а кровь видятьу него во
рте, а людье вылезуть,  то 12 гривен продаже,  а за зуб
гривна.                                                
   69. Аже украдеть кто бобр, то 12 гривен.            
   70. Аже будеть росечена земля или  знамение,  им  же
ловлено,  или сеть, то по верви искати татя, ли платити
про-дажю.                                              
   71. АЖЕ КТО  БОРТЬ  РАЗНАМЕНАЕТЬ.  Аже  разнаменаеть
борть, то 12 гривен.                                   
   72. Аже межю перетнеть бортьную,  или ролеиную разо-
реть, или дворную тыном перегородить межю, то 12 гривен
продажи.                                               
   73. Аже дуб подотнеть знаменьныи или межьныи,  то 12
гривен продаже.                                        
   74. А СЕ НАКЛАДИ.  А се наклады: 12 гривен, отроку 2
гривны и 20 кун, а самому ехати со отроком на дву коню,
сути же на рот овес,  а мясо дати овен любо  полоть,  а
инем кормом,  что има черево возметь, писцю 10 кун, пе-
рекладнаго 5 кун, на мех две ногате.                   
   75. А СЕ О БОРТИ.  Аже борть подътнеть,  то 3 гривны
продаже, а за дерево полгривны.                        
   76. Аже  пчелы выдереть,  то 3 гривны продажи;  а за
мед,  аже будеть пчелы не лажены,  то 10 кун; будеть ли
олек, то 5 кун.                                        
   77. Не  будеть ли татя,  то по следу женуть;  аже не
будеть следа ли к селу или к товару,  а не отсочять  от
собе следа,  ни едуть на след или отбьться, то тем пла-
тити татбу и продажю;  а след гаати с чюжими людми а  с
послухи;  аже  погубить след на гостиньце на велице,  а
села не будеть, или на пусте, кде же не будеть ни села,
ни людии, то не платити ни продажи, ни татбы.          
   78. О СМЕРДЕ. Аже смерд мучить смерда без княжа сло-
ва,  то 3 гривны продажи, а за муку гривна кун; аже ог-
нищанина мучить,  то 12 гривен продаже, а за муку грив-
на.                                                    
   79. Аже лодью украдеть,  то 60 кун продаже;  а лодйю
лицем воротити;  а морьскую лодью 3 гривны, а за набои-
ную лодью 2 гривны, за челн 20 кун, а за струг гривна. 
   80. О ПЕРЕВЕСЕХ. Аже кто подотнеть вервь в перевесе,
то 3 гривны продажи, а господину за вервь гривна кун.  
   81. Аже  кто украдеть в чьем перевесе ястреб или со-
кол,  то продаже 3 гривны, а господину гривна, а за го-
лубь 9 кун,  а за куря 9 кун,  а за утовь 30 кун,  а за
гусь 30 куй, а за лебедь 30 кун, а за жеравль 30 кун.  
   82. А в сене и в дровех 9 кун,  а  господину  колико
будеть воз украдено, то имати ему за воз по 2 ногате.  
   83. О ГУМНЕ. Аже зажгуть гумно, то на поток, на гра-
беж                                                    
дом его,  переди пагубу исплатившю, а в проце князю ис-
точити и;  тако же аже кто двор зажьжеть. 84. А кто па-
кощами конь порежеть или скотину,  продаже 12 гривен, а
пагубу господину урок платити.                         
   85. Ты тяже все судять (с) послухи  свободными;  бу-
деть ли послух холоп,  то холопу на правду не вылазити;
но оже хощеть истец,  или иметь и, а река тако: по сего
речи емлю ти,  но яз емлю тя, а, не холоп, и емети и на
железо;  аже обинити и, то емлеть на немь свое; не оби-
нить  ли его,  платити ему гривна за муку,  зане по хо-
лопьи речи ял и.                                       
   86. А железного платити 40 кун,  а мечнику 5 кун,  а
пол гривны детьскому; то ти железный урок, кто си в чем
емлеть.                                                
   87. Аже иметь на железо по свободных людии речи, ли-
бо  ли запа на нь будеть,  любо прохожение нощное,  или
кимь любо образом аже не ожьжеться, то про муки не пла-
тити ему, но одино железное, кто и будеть ял.          
   88. О ЖЕНЕ. Аже кто убиеть жену, то тем же судом су-
дити, яко же и мужа; аже будеть виноват, то пол виры 20
гривен.                                                
   89. А  в холопе и в робе виры нетуть;  но оже будеть
без вины убиен, то за холоп (урок) платити или за робу,
а князю 12 гривен продаже.                             
   90. АЖЕ УМРЕТЬ СМЕРД.  Аже смерд умреть,  то задницю
князю;  аже будуть дщери у него дома, то даяти часть на
не; аже будуть за мужем, то не даяти части им.         
   91. О  ЗАДНИЦЕ БОЯРЬСТЕИ И О ДРУЖЬНЕИ.  Аже в боярех
любо в дружине, то за князя задниця не идеть; но оже не
будеть сынов, а дчери возмуть.                         
   92. Аже кто умирая разделить дом свои детем,  на том
же стояти; паки ли без ряду умреть, то всем детем, а на
самого часть дати души.                                
   93. Аже жена сядеть по мужи,  то на ню часть дати; а
что на ню муж възложить, тому же есть госпожа, а задни-
ця ей мужня не надобе.                                 
   94. Будуть ли дети,  то что первое жены,  то то воз-
муть дети матере своея;  любо си на жену будеть  възло-
жил, обаче матери своей возмуть.                       
   95. Аже будеть сестра в дому, то той задниця не има-
ти, но отдадять ю за муж братия, како си могуть.       
   96. А СЕ ЗАКЛАДАЮЧЕ ГОРОД. А се уроци городнику:    
   закладаюче городню, куну взята, а кончавше ногата; а
за корм, и за вологу, и за мяса, и за рыбы 7 кун на не-
делю,  7 хлебов, 7 уборков пшена, 7 лукон овса на 4 ко-
ни;  имати же ему, донеле город срубять, а солоду одину
дадять 10 лукон.                                       
97. О МОСТНИЦЕХ.  А се мостнику уроци: помостивше мост,
взяти от 10 локот по ногате;  аже починить моста ветха-
го, то колико городне починить, то взяти ему по куне от
городне;  а мостнику самому ехати со отроком на дву ко-
ню, 4 лукна овса на неделю, а есть что можеть.         
   98. А СЕ О ЗАДНИЦЕ. Аже будуть робьи дети у мужа, то
задници им не имати, но свобода им с матерью.          
   99. Аже будуть в дому дети мали, а не дъжи ся будуть
сами собою печаловати, а мати им поидеть за муж, то кто
им ближии будеть, тому же дата на руце и с добытком и с
домом, донеле же возмогуть; а товар дати перед людми; а
что срезить товаром тем или пригостить, то то ему собе,
а истый товар воротить им, а прикуп ему собе, зане кор-
мил и печаловался ими; яже от челяди плод или от скота,
то то все поимати лицемь; что ли будеть рестерял, то то
все ему платити детем тем; аче же и отчим прииметь дети
с задницею, то тако же есть ряд.                       
   100. А двор без дела отень всяк меншему сынови.     
   101. О ЖЕНЕ, АЖЕ ВОРЧЕТЬСЯ СЕДЕТИ. Аже жена ворчеть-
ся седети по мужи,  а ростеряеть добыток и  поидеть  за
муж, то платити ей все детем.                          
   102. Не хотети ли начнуть дети ей ни на дворе, а она
начнеть всяко хотети и седети, то творити всяко волю, а
детем не дати воли;  но что ей дал муж, с тем же ей се-
дети или, свою часть вземше, седети же.                
   103. А материя часть не надобе детем,  но кому  мати
дасть,  тому же взяти,  дасть ли всем, а вси розделять;
без языка ли умреть,  то у кого будеть на дворе была  и
кто ю кормил, то тому взяти.                           
   104. Аже будуть двою мужю дети,  а единое матери, то
онем своего отця задниця, а онем своего.               
   105. Будеть ли потерял своего иночима  что,  а  онех
отця,  а умреть, то възворотить брату, на не же и людье
вылезуть,  что будеть отец его истерял иночимля;  а что
ему своего отця, то держить.                           
   106. А матери, который сын добр, перваго ли, другаго
ли.  тому же дасть свое; аче и вси сынове ей будуть ли-
си, а дчери можеть дати, кто ю кормить.                
   107. А  СЕ УРОЦИ СУДЕБНИИ.  А се уроци судебнии:  от
виры 9 кун,  а метелнику 9 векош, а от бортное земли 30
кун,  (а метнику 12 векши, а от ролеинои земли такожде;
а освободивше челядин 9 кун,  а митнику 9 векош);  а от
инех от всех тяжь, кому помогуть, по 4 куны, а метелни-
ку б векош.                                            
   108. О ЗАДНИЦЕ. Аже братья ростяжються перед кня-   
зем о задницю,  который детьскии идеть их делит(и),  то
тому взяти гривна кун.                                 
   109. УРОЦИ РОТНИИ.  А се уроци ротнии:  от головы 30
кун, а от бортьное земли 30 кун бес трии кун, тако же и
от ролеиное земли, а от свободы 9 кун.                 
   110. О ХОЛОПЬСТВЕ.  Холопьство обелное трое: оже кто
хотя купить до полу гривны,  а послухи поставить, а но-
гату дасть перед самем холопом;  а  второе  холопьство:
поиметь робу без ряду,  поиметь ли с рядом,  то како ся
будеть рядил,  на том же стоить; а се третьее холопьст-
во:  тивуньство  без ряду или привяжеть ключ к собе без
ряду;  с рядом ли,  то како ся будеть рядил,  на том же
стоить.                                                
   111. А в даче не холоп,  ни по хлебе роботять, ни по
при-датьце;  но оже не доходять года,  то ворочати  ему
милость;                                               
   отходить ли, то не виноват есть.                    
         112. Аже  холоп бежить,  а заповесть господин,
аже слышав кто или зная и  ведая,  оже  есть  холоп,  а
дасть ему хлеба или укажеть ему путь, то платити ему за
холоп 5 гривен, а за робу 6 гривен.                    
   113. Аже кто переиметь чюж холоп и дасть весть  гос-
подину его, то имати ему переем гривна; не ублюдеть ли,
то платити ему 4 гривны, а пятая переемная ему;        
   а будеть роба, то 5 гривен, а шестая на переем отхо-
дить.                                                  
   114. Аже кто своего холопа сам досочиться в чьем лю-
бо городе, а будеть посадник не ведал его, то, поведав-
ше ему,  пояти же ему отрок от него, и шедше увязати и,
и дати ему вязебную 10 кун, а переима нетуть; аче упус-
тить  и гоня,  а собе ему пагуба,  а платить в то никто
же, тем же и переима нетуть.                           
   115. Аже кто не ведая чюж холоп усрячеть и,  или по-
весть дееть, любо держить и у собе, а идеть от него, то
ити ему роте, яко не ведал есмь, оже есть холоп, а пла-
тежа в том нетуть.                                     
   116. Аче же холоп кде куны в (ы) дожить, а он будеть
не ведая вдал,  то господину выкупати али лишитися его;
ведая ли будеть дал, а кун ему лишитися.               
   117. Аже пустить холопа в торг,  а одолжаеть, то вы-
купати его господину и не лишитися его.                
   118. Аже кто кренеть чюжь холоп не ведая, то первому
господину холоп понята, а оному куны имати, роте ходив-
ше, яко не ведая есмь купил; (ведая ли будеть купил, то
кун ему лиху быти).                                    
   119. (Аже  холоп  бегая  будеть добудеть товара,  то
господину долг),  господину же и товар,  а не  лишитися
его.                                                   
120. Аже кто бежа а поиметь су се дне что или товар, то
господину платити за нь урок, что будеть взял.         
   121. Аже холоп крадеть кого любо, то господину выку-
па-ти и любо выдати и,  с ким будеть крал, а жене и де-
тем не надобе; но оже будуть с ним крали и хоронили, то
всех выдати,  паки ли, а выкупаеть господин; аже будутъ
свободнии с ним крали или хоронили, то князю в продаже.
   ДОПОЛНИТЕЛЬНЫЕ СТАТЬИ                               
   О КОНЕ.  А кто конь купить княж,  боярин, или купеч,
или сирота, а будеть в коне червь или проесть, а то по-
идеть к осподарю,  у кого будеть купил, а тому свое се-
ребро взяти опять взад.                                
   А се бещестие. А за бещестную гривну золота, аще бу-
деть баба была в золоте и мати,  взяти ему 50 гривен за
гривну золота;  аще будеть баба не была в золоте,  а по
матери ему не взяти золота, взяти ему гривна серебра; а
за гривну серебра пол осме гривне.                     
   О ковании мужем.  Аще ли скуеть муж мужа или кого ни
есть в вине,  или колико седить, взяти железнаго 5 кун,
а кормить своим хлебом, ино ему взяти гривна да 5 кун. 
   А судным кунам ростов нету.                         
   О СИРОТЬЕМ ВЫРЯТЬКЕ. А женка с дчерию, тем страды на
12 лет, по гривне на лето, 20 гривен и 4 гривны кунами.
   О муке. Аже утяжю(ть) в мукы, а посели (ть) у дворя-
нина, 8 ногат за ту муку. А у колокольници быот(ь) кну-
том, за ту муку 80 гривен.                             
   О человеце. Аже человек полгав куны у людей, а побе-
жить в чюжю землю, веры ему не иняти, акя и татю.      
   О МУЖИ КРОВАВЕ.                                     
   Аще приидеть кровав муж на двор или синь,  то видока
ему  не  и скати,  но платити ему продажа за бесчестие,
каков будеть; аще ли не будеть на нем знамения, то при-
вести  ему видок слово противу слова,  а кто будеть по-
чал, тому платити куны в что и объложать; аще же и кро-
вав приидеть, или будеть сам почял, а вылезуть послуси,
то то ему за платеж, оже и били.                       
   Аще же ударить мечем или ножем,  а не утьне (ть)  на
смерть,  то  князю вины 9 гривен,  а истьцу за рану су-
дять,  а оже лечебное;  потнеть ли на смерть,  то  вира
платити.                                               
   Аще ль  пьхнеть муж мужа любо к себе,  любо от себя,
ли по лицу ударить,  или жръдию ударить,  а без зънаме-
ния,                                                   
а видок будеть,  бещестие ему платити; аже будеть боля-
рин  великых боляр или менших боляр,  или людин городс-
кыи,  или селянин,  то по его пути платити бесчестие; а
оже будеть варяг или колобяг,  крещения не имея,  а бу-
деть има бои,  а видок не будеть, ити има роте по своей
вере,  а любо на жребии, а виноватый в продажи, в что и
обложать.                                              
   Российское законодательство Х - XX веков. Том 1,    
   с. 64-73.                                           
                                                       
ПРИМЕЧАНИЯ                                             
   К ст.1                                              
   Княж муж - приближенный                             
   князя.                                              
   Гридь - гридин Краткой                              
   Правды, княжеский воин.                             
   К ст. 2                                             
   По Ярославе... - после смерти                       
   князя Ярослава.                                     
   Паки - 1) вновь, опять, еще;                        
   2) также, кроме того, потом, затем.                 
   Совкупишеся - от съвъкупитися - собраться. К ст.З   
   Головник - убийца. Виревная (гривна) - вира. Вервь -
зд. община. Людан - 1) человек;                        
   2) простолюдин. К ст. 4                             
   Вира - штраф,  который платит убийца в пользу  госу-
дарства.  Зане же - потому что,  в связи с тем что; так
как. К ст. 5                                           
   Прикладывает - от прикладывати - давать долю, участ-
вовать.                                                
   Головннчьство - 1) вознаграждение родственникам уби-
того за голову; 2) убийство.                           
   Ис дружины... - совместно, в составе общины.        
    Дружина - зд. община К ст. 6                       
   Свада, сварь - ссора. К ст. 9                       
   Уборок - мера объема, емкости.                      
Голважня - единица измерения соли.               
   Сути - сыпать.                                      
   Отрок - зд. служитель,                              
   помощник при должностных                            
   лицах в Древней Руси.                               
   Перекладная гривна - пошлина.                       
   Метелник- 1) должность в                            
   Древней Руси; 2) отрок;                             
   3) представитель общины,                            
   участвующий в сборе вир.                            
   Съсадная гривна - судебная                          
   пошлина.                                            
   К ст.16                                             
   Смердии холоп - 1) смерд и                          
   холоп; 2) холоп, работающий на                      
   земле; 3) холоп смерда.                             
   К ст.18                                             
   Послух - свидетель доброй                           
   славы.                                              
   К ст.20                                             
   Сметная (гривна) - судебная                         
   пошлина.                                            
   Клепати - обвинять.                                 
   Помечное - судебная пошлина;                        
   возможна ошибка переписчика:                        
   помочьное - судебная пошлина,                       
   уплачиваемая общиной.                               
   К ст. 21                                            
   Железо - испытание горячим                          
   железом, вид ордалии.                               
   К ст. 22                                            
   Тяжа - судебное дело, спор.                         
   Поклеп - 1) бездоказательное                        
   обвинение; 2) ложное обвинение.                     
   Лице - украденная вещь,                             
   поличное.                                           
   Из неволи - насильно, по                            
   принуждению.                                        
К ст. 23                                         
   Продажа - денежный штраф за  совершенное  преступле-
ние. К ст. 27                                          
   За век - за увечье. К ст. 29                        
   .Слово противу  слова  - в подтверждение своих слов.
Слово - зд. показание, свидетельство. К ст. 34         
   Заповесть - объявить.  Лицем взята  -  взять  именно
пропавшую вещь, взять наличностью. К ст.37             
   Мытник - сборщик торговых пошлин,  следивший за соб-
людением правил торговли на торгах.                    
   На долзе -  возможна  ошибка  переписчика:  в  более
поздних списках - на дорозе, т. е. при случайной встре-
че. К ст.38                                            
   Протор - 1) расход, 2) убыток, 3) судебные издержки.
К ст. 46                                               
   Чернечь - монастырский. К ст. 48                    
   Купля -  торговля.  Гостьба  - торговля,  касающаяся
купцов из других городов, или стран. К ст. 49          
   Бологодел - благодетель. К ст. 50                   
   Рез - процент.                                      
    Настав - придача,  лихва.  Присоп - рост,  присыпка
при займе хлеба зерном. К ст. 51                       
   Погренути - зд.: отменить, предать забвению. К ст.52
   Промиловался - ошибся, прогадал. К ст. 53           
   Исто - сумма,  данная в долг. От лета - в год. К ст.
55                                                     
   Гость - иноземный, приезжий купец.                  
   Должебити-долъж-ници - должник. Запинати - запирати.
Прок в дел - оставшиеся деньги подлежат разделу. Прочее
- остаток, остальное. К ст. 56                         
   Обель - полный холоп. К ст. 57                      
   Орудие - дело, работа. К ст. 58                     
   Орудия своя дея - работая на себя. К ст. 59         
   Отарица - земельный участок (близкий  по  статусу  к
пекулию).                                              
    Увидить купу - текст,  видимо,  дефектен. Возможно:
1) узнает,  2) повелит;  3) увредит, т. е. повредит; 4)
уведеть или въведеть,  т.е. (незаконно) введет оброк. К
ст. 60                                                 
   Паки ли - а если, или же, если же нет.              
   Прииметь - возьмет дополнительно,  сверх нужного.  К
ст. 61                                                 
   Наймит - зд.: обозначение закупа.                   
   Найм - денежная плата за труд. К ст. 72             
   Перетнути-перетнеть -  перерубить  (ограждение в ле-
су). К ст. 74                                          
   Наклад - рост, лихва.                               
   На мех - 1) возмещение стоимости  мешка,  в  котором
хранились собранные деньги;                            
   2) кожа для письма.                                 
   К ст. 75                                            
   Подътнеть - от подътяти,                            
   подрубить, подсечь.                                 
   К ст. 76                                            
   Не лажены - из улья еще не                          
   вынимали мед.                                       
   Олек - верхняя часть борти,                         
   где оставался мед для питания                       
   пчел.                                               
   К ст. 77                                            
   Женути - гнать, преследовать.                       
   Отсочити - 1) отыскать,                             
   2) отвести от себя след.                            
   Гостинец - большая дорога.                          
   К ст.79                                             
   Набойная лодья -большегрузное судно снадставленными 
в высоту бортами.                                
   К ст. 80                                            
   Перевес-1) большая сеть для ловли птиц и зверей, ко-
торая вешалась на шестах или с дерева на дерево в лесу;
2) место, где устроена такая сеть.                     
   Подотнеть вервь - перерубит веревку.                
   К ст. 81                                            
   Утовь - зд.: утка.                                  
   К ст. 84                                            
   Пакощами - от пакощу:                               
   1) причинять вред; 2) грабить,                      
   разбойничать.                                       
   К ст. 86                                            
   Железное - судебная пошлина.                        
   Детский - судебный                                  
   исполнитель, княжеский отрок.                       
   К ст. 87                                            
   Запа - подозрение.                                  
   К ст. 90                                            
   Задница - наследство.                               
   К ст. 92                                            
   Ряд - зд. договор, соглашение.                      
   К ст. 96                                            
   Городник - 1) архитектор,                           
   руководитель строительства;                         
   2) строитель городских стен и                       
   мостов.                                             
   Волога - питье.                                     
   Лукно - мера объема сыпучих                         
   тел.                                                
   К ст.97                                             
   Локоть - мера длины.                                
   К ст.99                                             
   Срезить - получить прибыль от                       
   данных в долг денег.                                
   Истый товар - первоначальный,                       
   оставленный в наследство.                           
Прикуп - выгода, прибыль.                        
   К ст.100                                            
   Без дела - не разделив                              
   имущества, без завещания.                           
   К ст.101                                            
   Ворчеться - от                                      
   върещися - высказать желание,  волю,  согласие, обе-
щать. К ст. 105                                  
   Иночим - 1) отчим; 2) первый                        
   муж по отношению ко второму. К ст.106               
   Лиси - лихи, грубы, плохи в                         
   обращении.                                          
   К ст.111                                            
   Дача - заем.                                        
   Придатце - от                                       
   придатък - плата, награда.                          
   К ст. 113                                           
   Переем - от                                         
   переяти - 1) вознаграждение за                      
   помощь в обнаружении беглого  холопа;  2)  перехват,
поимка беглого. К ст.114                         
   Вязебная - плата за                                 
   задержание, пошлина.                                
   К ст.115                                            
   Усрячеть - встретит.                                
   Повесть- деет - разговаривает. К ст.116             
   Вложить - текст, видимо                             
   дефектен. В других списках:                         
   вылжеть, т. е. получит обманом. К ст.118            
   Кренеть - купит.                                    
   К дополнительным статьям                            
   Сирота - зд. крестьянин.                            
   Червь - болезнь.                                    
   Проесть - рана, язва.                               
                                                       
ПСКОВСКАЯ СУДНАЯ ГРАМОТА 
   Ся грамота выписана из великаго  князя  Александровы
грамоты  и из княж Костянтиновы грамоты и изо всех при-
пи-сков псковъских пошлин по благословению  отец  своих
попов всех 5 съборов,  и священноиноков,  и дияконов, и
священников и всего Божиа священьства всем  Псковом  на
вечи, в лето 6905-е.                                   
1. Се суд княжей,  ож клеть покрадут за зомком или сани
под  полстью  или воз под титягою или лодью под полубы,
или вь яме или скота украдают  или  сено  сверху  стога
имать,  то все суд княжой, а продажи 9 денег, а разбой,
нахед,  грабеж 70 гривен, а княжая продажа 19 денег, да
4 денги князю и посаднику.                             
   2. И владычню наместнику суд и на суд не судить,  ни
судиям ни наместнику княжа суда не судите.             
   3. А которому посаднику сести  на  посадниство,  ино
тому  посаднику  крест  целовати на том,  что ему судит
право по крестному целованию,  а городскими  кунами  не
корыстова-тися,  а судом не метится ни на кого ж, а су-
дом не отчи-тись,  а праваго не погубити,  а виноватаго
не  жаловати,  а без исправы человека не погубити ни на
суду на вечи.                                          
   4. А князь и посадник на вечи суду не судять, судити
им у князя на сенех, взираа в правду по крестному цело-
ва-нью. А не въсудят в правду, ино Бог буди им судиа на
втором  пришествии Христово.  А тайных посулов не имати
ни князю, ни посаднику.                                
   5. А которому княжому человеку  ехат  на  приго(ро)д
наместником, ино целовати ему на том крест, что ему хо-
тети Пскову добра,  а судит прямо  по  крестному  цело-
ванью, а коли ему ехати на которое... .                
   6. А которой посадник слезет степени своей, орудиа и
су-дове самому управливати, а иному насед его судове не
пересужати.                                            
   7. А крим(с)кому татю и коневому и переветнику и за-
жигалнику тем живота не дати.                          
   8. Что бы и на посад (е) но крадется  ино  двожды  е
пожаловати,  а изличив казнити по его вине,  и в третий
ряд изли(чи)в,  живота ему не дати, крам кромъскому та-
тю.                                                    
   9. А  коли  будет с кем суд о земли о полней,  или о
воде, а будет на той земли двор, или ниви розстрадни, а
стражет и владеет тою землею или водою лет 4 или 5, ино
тому исцю съслатся на сосед человек на 4 или  на  5.  А
суседи став,  на коих шлются, да скажут как прав 2 пред
Богом, что чист, и той человек который послался стражет
и владеет тою землею или водою лет 4 или 5,  а супроти-
вень в те лета,  ни его судил ни на  землю  наступался,
или на воду, ино земля -его чиста или вода, и целованиа
ему нет, а тако не доискался кто не судил, ни наступал-
ся в ты лета.                                          
   ' Описка в источнике - покрадается.                 
   2 Описка в источнике - право (?).                   
                                                       
10. О лешеи земли будет суд,  а положат грамоты и  двии
на одну землю,  а зайдут грамоты за грамоты, а исца оба
возмут межников, да оба изведутца по своим грамотам, да
пред господою ставши межником межничество сьимут ино им
присужати поле.                                        
   11. А которой своего истца перемож (ет)...          
   12. А которой истець ...  там. Ино того человека по-
винити,  и грамоты его посудить,  а правому человеку на
ту землю и судница дати; а подсудничье князю и посадни-
ком и сь сотскими всеми взята 10 денег.                
   13. А  кто  у  кого иметь землю отимати выкупком,  а
старые грамоты у того человека,  у кого землю  отимают,
ино воля того человека, у кого старые грамоты: хочет на
поле лезет или своего исца к правде ведет,  на его  вы-
купке покуду отнимает.                                 
   14. А кто положит доску на мрътваго о (з)блюдень(е),
а имет искати на приказникох  того  соблюдениа,  сребра
или платиа,  или круты, или иного чего животнаго, а тот
умръшей с подряднею и рукописание у него написано  и  в
ларь  положено,  ино  на тых приказникох не искати чрез
рукописание ни зсудиа без заклада и  без  записи  и  на
приказникох не искати ничего.  А толко будет заклад или
запись,  ино водно искати по записи,  и и1 кто  животом
владеет по записи или по закладу; а у приказников умръ-
шаго а не будет заклад, ни записи умръшаго на кого, ино
им  не  искати ничего ж,  ни съсудиа,  ни торговли,  ни
зблюдениа ничего ж,                                    
   15. А у котораго умръшаго а будет  отец,  или  мать,
или сын,  или брат, или сестра, или кто ближняго племе-
ни, а а 1 животом владеет, а только не сторонний людие,
ино им волно искати без заклада, и без записи умръшаго,
а на них волно ж искати.                               
   16. А о зблюдении, кому ...в пожару или по грехом на
кого  род ополчится,  а у того времяни что кому даст на
зблюдение,  а имет просит своего, и тот человек запрет-
ся, у него взем, ино кому искат, явити ему.            
   17. ... чюжой земли приехав или под пожар за неделю.
или по грабежу,  и тот имет записатся,  ино тот суд су-
дить на того волю ...  хочет сам поцелует,  или на поле
лезеть, или у креста положит своему исцу.              
   18. А кто по волости ходит закупен,  или скотник,  а
имет                                                   
   1 Так в источнике.                                  
                                                       
искати тако же соблюдениа,  или верши,  ино  г(оспо)дне
обыскать  правда тако же присужает на ком сочат,  хочет
сам поцелует,  или на поле с ним лезет,  а хочет ему  у
креста положит.                                        
   19. А  кто имет искати зблюдениа по доскам безимено,
старине, ино тот не доискался.                         
   20. А кто на. кого имет сачит бою или грабежу по по-
зовници,  и  князь  и посадником и сотцким обыскати как
послух,  где будет обедал,  и(л)и где начавал, и послух
изведется иночаем его,  или где обедал; такоже и битого
опросить, где есть били и грабили, явили кому, и на тех
ему слатся,  а на кого сошлются,  а тот став скажет как
право пред Богом,  што битый являл бой свой, и грабежь,
а  послух  на суде став а послухует в тые же речи,  ино
тот суд судит на того волю,  на ком сочат, хочет с пос-
лухом на поле лезет, или послуху у креста положит, чего
искал.                                                 
   21. А против послуха ... стар или млад, или чем без-
вечен,  или  поп,  или чернец ино против послуха нанять
водно наймить, а послуху наймита нет.                  
   22. А на которого послуха истец послется,  и  послух
не  станет,  или став на суде не договорит в ты ж речи,
или переговорит,  ино тот послух не в послух,  а тот не
доискался.                                             
   23. Или который истец пошлется ...  на послуха, а на
котором сочат ... а ркучи: тот мене сам бил с тым своим
послухом,  а нонеча на нево ж шлется,  ино тот послух в
послух, которого на суде наимянуют.                    
   24. Или пакы тойже истец, на ком соча (т) розбоя, не
почнет слатся на послуха,  ино што б не слался один ис-
тец,  ино господе послать с суду своих людей, а каторой
не слался,  ино его в том не повинити, что не слался, а
то господе от Пскова без дива.                         
   25. А которой позовник пойдет исца звати на  суд,  и
той  позваный  не  пойдет  на погост к церкви позывницы
чести, или студится от позывницы, ино позывница прочес-
ти  на погосте пред попом;  или пакы той ж позваный по-
зывницею,  не емля оброку да не станет на суд пред гос-
подою,  ино  господе дать на него грамота на виноватаго
на 5 ден позовником.                                   
   26. А кто возмет грамоту на своего исца, и оно огра-
моч-ному поймав по грамоте не мучит, ни бить, поставить
пред господою;  а ограмочному против своего исца ни би-
тися,  ни колотися,  а толко имет сечися, или колотися,
да учинит головшину, ино быти ему самому в головшине.  
   27. А где учинитса бой у торгу или на улицы во Пско-
ве,  или на пригороде,  или в селе на волости в пиру, а
грабежу                                                
не будет,  а  тот  бой многы люди видели в торгу или на
улицы,  или в пиру,  а ставши перед нами человеки 4 или
5, а ркучи слово: того бих, ино кто бился, того челове-
ка их душа выдати ... битому человеку, а княжая про(да-
жа).  Той же бит учнет клепать грабежом,  ино ему ходит
исца послухом одным человеком того деля,  занеже и поле
присужати.                                             
   28. А  кто  на  ком имет сочить съсуднаго серебра по
доскам,  а сверх того и заклад положит,  ино воля  того
человека, кто имет серебра сочить по закладу, хочет сам
поцелует да свое серебро возмет,  а хочет заклад ему  у
креста положит, и он поцеловав да свой заклад возмет, а
поле через заклад не присужати, а закладных доек не по-
сужати.                                                

К титульной странице
Вперед
Назад
Реклама